Според календарот на активности на Собранието, за утре е закажана 52. пленарна седница, на која, како точка на предлог-дневниот ред е и предлог-законот за ратификација на договорот со Обединетото Кралство. На веб-страницата на парламентот е објавен и текстот на договорот кој утре ќе се најде пред пратениците
Предлог-законот за ратификација на договорот влада со влада меѓу С Македонија и Обединетото Кралство, кој беше потпишан на 22 мај во Лондон, попладнево влезе во собраниска процедура.
За ова на својот фејсбук-профил информира координаторот на пратеничката група на ВМРО-ДПМНЕ, Никола Мицевски, кој вели дека секој детал од договорот ќе биде транспарентен и јавно објавен и дека ништо нема да биде скриено од јавноста.
„Ова е историски договор ! Ова е историска работа за нашата држава. Заедно со граѓаните се обврзавме на обнова на Македонија и тоа го правиме секој ден. Тие се нашиот партнер ! Железница, студентски дом, болници, хидроцентрали и многу нови проекти ! После стратешкиот договор со Обединетите Американски Држави – ова е уште еден огромен успех за Република Македонија“,
пишува Мицевски во објава на Фејсбук.
Според календарот на активности на Собранието, за утре е закажана 52. пленарна седница на која како точка на предлог-дневниот ред е и предлог-законот за ратификација на договорот со Обединетото Кралство. На веб-страницата на парламентот е објавен и текстот на договорот кој утре ќе се најде пред пратениците.
Целта на договорот, како што се наведува во членот 1, е да се воспостави партнерство за поддршка на реализацијата на инфраструктурни проекти во областа на здравството, транспортот, технологијата, енергетиката и други сектори, да се разменуваат знаења и практики, користејќи експертиза од владата на Обединетото Кралство и од британските деловни субјекти за поддршка на реализација на проектите.