Идејата за воведување на овластување ЕТИАС датира од 2016 година. Системот треба да придонесе за намалување на сегашните безбедносни, здравствени и миграциски ризици, а се однесува на 63 земји кои не се членки на Европската Унија, но чии граѓани можат да патуваат без визи во Шенген-зоната
Македонските граѓани во моментов можат да патуваат во европската Шенген-зона без виза или какво било претходно овластување, но од 2023 година тоа повеќе нема да биде можно без поднесување онлајн барање преку Европскиот систем за овластување за патување (ЕТИАС).
Според првите планови, ЕТИАС требаше да профункционира веќе во јануари, потоа беше продолжен до мај 2023 година, но сега се очекува имплементацијата на тој систем да започне во ноември следната година, што беше објавено и на официјалната веб-страница на Европската Унија.
Кога ЕТИАС ќе стане оперативен, формуларот за онлајн апликација ќе се достави на официјалната веб-страница на ЕТИАС или на мобилната апликација, која треба да биде пуштена во употреба. Апликацијата за патување ќе треба да се пополни најдоцна 96 часа пред датумот на патување и мора да содржи адреса на е-пошта, детали за пасош и лични податоци.
Потребен е ЕТИАС за влез во 30 земји
Од ноември 2023 година граѓаните на земјите од регионот, како и Македонија ќе мора да имаат ЕТИАС за влез во следните 30 земји: Австрија, Белгија, Бугарија, Хрватска, Кипар, Чешка, Данска, Естонија, Финска, Франција, Германија, Грција, Унгарија, Исланд, Италија , Летонија , Лихтенштајн, Литванија, Луксембург, Малта, Холандија, Норвешка, Полска, Португалија, Романија, Словачка, Словенија, Шпанија, Шведска и Швајцарија. Според тоа, на граѓаните ќе им треба ЕТИАС и за да ги посетат следните европски микродржави со отворени граници: Монако (преку Франција), Сан Марино (преку Италија) и Ватикан (преку Италија).
Последниот чекор е да се плати таксата за аплицирање од седум евра, со кредитна или дебитна картичка, за сите апликанти кои се над 18 и под 70 години. Малолетниците и лицата над 70 години ќе добијат ЕТИАС бесплатно.
Се проценува дека процесот на аплицирање ќе трае околу десет минути, а одобрението треба да се добие во рок од неколку минути од моментот на поднесување на апликацијата. Добиеното одобрение ќе важи три години и во тој период бројот на патувања во земјите на ЕУ не е ограничен. Со ЕТИАС граѓаните ќе можат да останат во Европската Унија најмногу 90 дена во период од 180 дена.
Малку е веројатно дека на жителите од регионот ќе им биде одбиено барањето за влез во Европската Унија кога ќе започне ЕТИАС, објавено е на страницата schengenvisainfo.com.
Апликацијата ЕТИАС може да биде одбиена ако апликантот има криминално досие, ако е опасност за општеството или е на списокот за следење патувања поврзан со осомничени терористи. Исто така, давањето лажни информации за време на пријавувањето, како и патување од област со епидемија/пандемија, поради која барателот може да претставува опасност за јавното здравје, исто така може да биде причина за одбивање.
Идејата за воведување на овластување ЕТИАС датира од 2016 година. Системот треба да придонесе за намалување на сегашните безбедносни, здравствени и миграциски ризици, а се однесува на 63 земји кои не се членки на Европската Унија, но чии граѓани можат да патуваат без визи во Шенген-зоната.