Тема на меѓусебни препукувања меѓу власта и опозицијата на денешната комисиската расправа во Собранието за Предлог-буџетот за 2025 година беа и Електрани на Северна Македонија, конкретно зголемувањето на цената за производство на електрична енергија во време на претходната власт
Пратениците од власта се оптимисти дека Предлог-буџетот за 2025 година ќе ја подобори економската состојба во државата, а дел од нив се уверени дека економскиот раст следната година би можел да достигне и на четири проценти, што е повеќе од проектираните 3,7 отсто. Од другата стана, пак, нивните колеги од опозицискиот СДСМ се на став дека Предлог-буџетот е манипулативен и скроен за предизборни цели на владејачките партии за локалните избори в година.
Двете страни ги соочија своите аргументи и денеска на собраниската Комисија за финансирање и буџет, а на расправата можеа да се чујат и обвинувања за манипулации. Тема на меѓусебни препукувања беа и Електрани на Северна Македонија, конкретно зголемувањето на цената за производство на електрична енергија во време на претходната власт.
Пратеникот од владејачкото мнозиство Љупчо Пренџов, обраќајќи му се на неговиот колега од редовите на СДСМ и ексминистер за внатрешни работи рече дека како поранешен прв човек на Министерството требало да го спречи тоа.
„Вие имаме дупла одговорност. Требало тоа да го спречите како Министерство за внатрешни работи и требало да се побуните затоа што половина од капиталните инвестиции кои ги прикажувавте во буџетот одеа како суви пари во ЕСМ. Собиравте од народот средства и ги дававте во ЕСМ за да имате дупло поскапо поризводство на струја и да ги крадете тие пари, и тоа ќе се докаже господине Спасовски, ама требало вие да го докажете“,
рече Пренџов.
На ова Спасовски, одговори дека кога Пренџов зборува за ЕСМ, веројатно зборува за компанијата „Марковски“, која е сега, само со сменет сопственик е ангажирана во ЕСМ.
„И очекувам дека е можно и (Ристо) Крмзов за кратко време да го видиме во вашите прегратки, па да видиме како ќе се однесувате понатаму. А во односн на тоа што и како се правело и зошто се правело, апсолутно е манипулација и лага, како што ви е и буџетот“,
рече Спасовски.
Во однос на Предлог-буџетот, пратеникот на СДСМ на расправата рече дека тој е направен крајно невизионерски во однос на тоа каде сакаме да ја видиме државата во иднина.
„Доаѓаат локалните избори, па затоа е направен и овој буџет кој е крајно невизионерски, за тоа каде сакаме да ја видиме државата понатаму. Како што не можеме да ја видиме ниту во остварување на стратешките цели. Овој предлог буџет е манипулативен, затоа што досега, нема нешто што не е направено, од власта, а да не е со цел да се манипулира македонската јавност“,
рече Спасовски.
Спасовски рече дека Предлог-буџетот предвидува раст на БДП за 3,7 процени, што, како што кажа, е нереална прогноза на која укажуваат сите релевати странски фактори.
Пратениците од мнозинството, пак не се согласија со него и се оптимисти дека сè што е предвидено за 2025 година ќе се реализира и очекуваат дека економскиот раст да биде и поголем од предвидените 3,7 отсто.
„Странските директни инвестиции коишти се договорени, тоа е осум на број досега ќе почнат со изведба на нивните капацитети во првите три месеци од наредната година, овој месец ќе потпишеме договори со уште две, во декември со уште две, што значи дека за шест месеци 12 странски директни инвестиции ќе почнат со изградба на своите капацитети. Така што јас отворено кажувам дека наместо 3,7 проценти, не би ме изненадило да отидеме со раст над четири проценти“,
рече пратеникот на ВМРО-ДПМНЕ“, Бојан Стојановски.
Расправата за Предлог-буџетот за 2025 година во Комисијата за финансираее и буџет во Собранието трае веќе три дена.
Според Предлогот, приходите во држваната каса за следната година се проектирани на 5,8 милијарди евра, додека расходите на 6,5 милијарди евра.
Додека Владата најавува консолидација и економски раст, а опозицијата поднесе над 250 амандмани и најави дека нема да гласа за буџетот за догодина како што е скроен во моментот.