Екипите на Електродистрибуција превентивно го исклучија далекуводот што ги снабдува трафостаниците „Аеродром“ и „Исток“, поради што жителите на скопските населби Аеродором и Ново Лисиче повеќе од три часа немаа електрична енергија
Пожарот што попладнево изби на депонијата во Вардариште е ставен под контрола, информира Стојанче Ангелов, директорот на Дирекцијата за заштита и спасување (ДЗС).
„Набргу, дел по дел, ќе се пушта електричната енергија“,
вели тој.
Претходно Ангелов рече дека постојат сомневања дека пожарот на депонијата во Вардариште е намерно подметнат.
Поради пожарот што попладнево ја зафати депонијата во Вардариште, екипите на Електродистрибуција превентивно го исклучија далекуводот што ги снабдува трафостаниците „Аеродром“ и „Исток“.
Поради тоа, жителите на скопските населби Аеродором и Ново Лисиче повеќе од три часа немаа струја.
Оваа мерка е преземена од безбедносни причини, со цел да се овозможи гаснење на пожарот и да се спречат поголеми дефекти на мрежа.
Како што соопштија од Дирекцијата за заштита и спасување (ДЗС) без струја останаа населбите Аеродром, Ново Лисиче, Методија Андонов Ченто, Индустриската зона, Кванташки пазар, Арачиново, Стајковци, Трубарево и Бунарџик.