Во моментов штипскиот градоначалник, Сашко Николов има состанок со Штабот за заштита и спасување на Општина Штип
Пожарот од атарот на светиниколското Богословец е проширен кон штипското село Доброшани, во коешто има стари куќи.
Командирот на смена во Територијалната противпожарна единица (ТППЕ)-Штип, Пане Тимов за МИА вели дека пожарот е активен и со него се справуваат 10 пожарникари, но и голем број на војници, доброволци и вработени во државните и локалните комунални претпријатија. Побарано е да интервенираат и хеликоптерите од воздух.
Пожарот е активен од вчера во текот на попладневните часови, кога и почна да се шири во близина на селото Богословец, по што се насочи кон високиот рид и се спушти од друга страна на штипска територија. Во него гори сува треба, површини со млада борова шума. Тимов вели дека во моментов имаат дојава и за пожар кај депонијата Трештена Скала, која е оддалечена од градот над 10 километри.
Во моментов градоначалникот на Општина Штип, Сашко Николов има состанок со Штабот за заштита и спасување на Општина Штип.