Засега нема информации за евентуални настрадани или повредени лица
Нешто по 20 часот вечерва, на единствениот број за итни случаи 112 е добиена пријава за пожар во куќа на улица „Скупи“ во скопската населба Злокуќани, Општина Карпош.
По пријавата, од страна на Министерството за внатрешни работи (МВР) преку Дежурниот-оперативен центар на Центарот за управување со кризи (ЦУК) е побарано да се исклучи електричната енергија во нисконапонската мрежа за да се овозможи интервенција на противпожарните екипи.
Според неофицијални сознанија, од пожарот се зафатени дополнителни три куќи. Екипите на Противпожарната бригада се на терен и работат на гаснење на пожарот.
Засега нема информации за евентуални настрадани или повредени лица.