Пожарот зафати поголем простор на депонијата во Вардариште, како и постар објект што се наоѓа во близина, поради што се исклучени далекуводите за Аеродром и Лисиче
Пожар на дивата депонија во Вардариште попладнево ги остави без струја жителите на скопските населби Аеродром и Ново Лисиче, информираат од Центарот со управување со кризи (ЦУК).
Оттаму велат дека пожарот зафати поголем простор на депонијата во Вардариште, како и постар објект што се наоѓа во близина, поради што се исклучени далекуводите за Аеродром и Лисиче.
Жителите на Аеродром и Лисиче повеќе од еден час немаат струја.
Во моментот, според ЦУК, на терен интервенираат 13 пожарникари со пет противпожарни позила.
Од Електродистрибуција за „360 степени“ велат дека поради прекин на 110 кВ трафостаница „Аеродром“ поголем дел од корисниците на скопските населби Аеродром и Ново Лисиче, како и корисниците од централното градско подрачје се соочуваат со прекин во снабдувањето со електрична енергија.
„Екипите на Електродистрибуција веднаш се упатија на местото со цел санација на дефектот“,
соопштија оттаму.
Причина е пожар во Вардариште.
„Додека не добиеме зелено светло од Противпожарните бригади не може да се вклучи напон“,
пишува во информацијата од Електродистрибуција.
Засега нема информации колку време ќе трае прекинот на струја во овие населби.