Од скопската пожарна велат дека карактеристично било тоа што во кругот на фабриката и во објектите немало функционална хидрантска мрежа
Во магацински простор кај старата скопска фабрика „Комуна“ утрово избувна пожар, а дојавата во скопската Бригада за противпожарна заштита е примена во 4:55 часот.
Командирот на скопската Бригада за противпожарна заштита, Звонко Томески за МИА изјави дека за кратко време пожарот е ставен под контрола, целосно е изгаснат и не е дозволено да се прошири во останатите објекти во кругот на фабриката. Нема повредени, но е причинета материјална штета.
По дојавата за пожарот, на терен веднаш биле се упатени девет противпожарни возила со 20 пожарникари, а станувало збор за магацински простор во кој била складирана пластика за понатамошна рециклажа.
Според неговата изјава, карактеристично е што во кругот на фабриката и во објектите немало функционална хидрантска мрежа.