Пожар избувна и на излезот од Штип кон Радовиш, огнот се шири на двете страни од патот

Огнот, како што информира директорот на ЦУК Стојанче Ангелов, е во близина штипскиот затвор и се шири лево и десно од патот кон селото Драгоево. Екипи на штипската противпожарна бригада се на терен и интервенираат на локализирање на пожарот

Пожар доцна вечерва избувна покрај патот Штип – Радовиш, зафаќајќи нискостеблеста шума, грмушки и трева, соопшти директорот на Центарот за управување со кризи Стојанче Ангелов. 

Пријавата за пожарот била примена преку единствениот број за итни случаи – 112.  

Пожарот, како што информира Ангелов, е на излезот од Штип во близина на затворот. Екипи на штипската територијална противпожарна бригада се на терен и интервенираат на локализирање на огнот.  

Пожарот, според информациите на директорот на ЦУК, се шири лево и десно од патот кон селото Драгоево.  

Сериозен пожар вечерва пламна и во регионот на Липковско, на линијата од селата Слупчане – Ваксинце во насока кон Алашевце. 

Пожар се разгоре во Липковско – во близина има борова шума

Денеска, противпожарните екипи се бореа и со големиот пожар кај Богданци во близина ветерниот парк. Пожарот избувна вчера, а денеска попладне беше изгаснат и екипите се повлекоа од местото. Покрај овие, во текот на денот ЦУК регистрираше уште 10 други пожари на отворено во државата. 

ЦУК: Пожарот во Богданци е целосно изгаснат, зафати површина од 350 хектари