Несреќата се случила поради прекумерната брзина и небрежност на возачот на автобусот кој излетал од главниот пат и се судрил со мотоцикл, а потоа и со камион
Во сообраќајна несреќа во западен Авганистан загинаа 73 лица, вклучувајќи 17 деца, од кои повеќето биле во автобус што превезувал авганистански мигранти што се враќале од Иран, пишува Би-би-си.
„Автобусот, на пат кон Кабул, се запалил откако се судрил со камион и мотоцикл во покраината Херат. Сите во автобусот загинаа, како и две лица од другите возила“,
изјави Ахмадула Мотаки, директор на талибанците за информации и култура во Херат.
Полицијата во Херат, како што пишува АФП, соопштила дека несреќата се случила поради прекумерната брзина и небрежност на возачот на автобусот кој излетал од главниот пат и се судрил со мотоциклот, а потоа и со камионот.
Според полицијата, камионот превезувал гориво и тоа го предизвикало пожарот.
Во последните месеци Иран ги засили депортациите на недокументирани авганистански мигранти кои избегале од конфликтот во нивната земја.
„Сите патници беа мигранти кои се качиле на возилото во Ислам Кала“,
изјави портпаролот на гувернерот на покраината, Мохамед Јусуф Саеди.
🚨🇦🇫 DEADLY BUS CRASH IN AFGHANISTAN KILLS AT LEAST 71
— Mario Nawfal (@MarioNawfal) August 19, 2025
A bus carrying deported migrants caught fire after colliding with a truck and motorcycle in Herat province.
At least 71 people are confirmed dead.
Source: AZintel pic.twitter.com/6IfCOMz47v