И покрај примирјето кое стапи во сила на 10 октомври, бројот на жртви продолжува да расте, пренесуваат светските медиуми
Министерството за здравство во Газа објави дека бројот на палестински жртви надмина 70.000 од почетокот на војната со Израел. И покрај примирјето кое стапи на сила на 10 октомври, бројот на жртви продолжува да расте, пренесуваат светските медиуми.
Израел продолжува да изведува напади како одговор на тоа што го нарекува прекршување на примирјето од страна Хамас, а телата од претходните фази на војната сè уште се извлекуваат од урнатините, наведува палестинското Министерство за здравство.
Во последните два дена е евидентирана 301 жртва – двајца загинати од скорашните напади од страна на Израел, а останатите се извлечени од урнатините, пренесе Ројтерс, повикувајќи се на евиденција на министерството.
Со тоа, бројот на жртви кај Палестинците сега изнесува 70.100.