Повеќе од 24 часа целосно е затворен за сообраќај патот Струга – ГП „Ќафасан“

Патниците кон Албанија се пренасочуваат на граничниот премин „Свети Наум“ кај Охрид или „Блато“ кај Дебар

Поради превртена цистерна, повеќе од 24 часа целосно е затворен за сообраќај патот Струга – граничен премин „Ќафасан“.

Од Секторот за внатрешни работи (СВР) Охрид информираат дека на терен се преземаат мерки, но поради технички причини се уште не е отстранета превртената цистерна од коловозната лента.

Патниците кон Албанија се пренасочуваат на граничниот премин „Свети Наум“ кај Охрид или „Блато“ кај Дебар.

(ФОТО) Цистерна се преврте на патот Струга – ГП „Ќафасан“, сообраќајот е во целосен прекин

Од фотографијата што вчера ја објави МВР од несреќата, се гледа дека цистерната е сериозно оштетена, но не се забележува некакво истекување од неа.

Засега нема информации и за состојбата на возачот, односно дали има повредени лица.