Интеграцијата на земјава во ЕУ и состојбите во државата биле меѓу темите на кои денеска претседателот и потпретседателот на ВМРО-ДПМНЕ, Христијан Мицкоски и Александар Николоски разговарале на средба со амбасадорот на Франција, Сирил Бомгартнер.
На францускиот амбасадор, како што соопштија од партијата, Мицкоски му посочил дека се потребни и предвремени парламентарни избори.
„Претседателот на ВМРО-ДПМНЕ, Христијан Мицкоски се осврна и на економските предизвици при што укажа загриженост и за енергетската криза чии последици се од неадекватното управување на политиките, а тоа го чувствуваат граѓаните на својот грб. При средбата претседателот на ВМРО-ДПМНЕ посочи дека актуелната влада нема капацитет да се носи со предизвиците со кои се соочуваат граѓаните. А, со тоа се наметнува потребата за предвремени парламентарни избори како излез од актуелната криза“,
соопштија од ВМРО-ДПМНЕ.
Во однос на интеграцијата во ЕУ, партискиот лидер порачал дека државата не смее да биде заложник на лошите политиките на власта и да биде заглавена во чекалницата, како и дека не смее да биде жртва на спорот со Бугарија создаден, според Мицкоски, од владата на Зоран Заев.