Сакаме да ја реафирмираме европската перспектива за регионот и да работиме на прогрес во процесот на проширување, изјави претседателот на Европскиот совет, по самитот во Брдо кај Крањ
Западен Балкан има стратешко значење за ЕУ, сакаме да ја реафирмираме европската перспектива за регионот да работиме на прогрес во процесот на проширување, изјави претседателот на Европскиот совет Шарл Мишел, на денешната заедничка прес-конференција по самитот ЕУ-Западен Балкан во Брдо кај Крањ.
Фундаменталните вредности, како владеење на правото и борбата портив корупцијата се ДНК на европскиот проект. Тоа е важно прашање на дебата и меѓу сите 27 земји членки на ЕУ за тоа како да постигнеме поголем напредок со цел да созрееме и сите да ги почитуваме овие фундаментални принципи.
Тој ги поврза реформите во овие земји кои ЕУ сака да ги поттикне со инвестициите на ЕК, кои имаат цел да се олесни и поттикне регионалната соработка.
„Се надеваме дека овие инвестиции, кои имаат важна улога, ќе го направат повидливо присуството на ЕУ за луѓето од регионот да ги почувствуваат бенефитите од ова партнерството со ЕУ“,
рече Мишел на прес-конференцијата, на која присуствуваа и претседателката на ЕК Урсула фон дер Лајен и домаќинот на самитот словенечкиот премиер Јанез Јанша.
Во однос на отворените прашања во регионот поврзани со историски теми, теми за минатото, за малцинствата и нивниот третман, рече дека сакаат да видат напредок. ЕУ од своја страна е подготвена да го преземе својот дел од одговорноста, да ги охрабрува и да биде олеснувач помеѓу различните засегнати страни, со цел да дејствуваат одговорно. Но потребни се, рече, политички одлуки за напредок на овие земји.
Во однос на процесот на проширување, тој порача дека пред ЕУ е дебата за капацитетот да прима нови членки.
„Не е тајна дека постои дебата помеѓу 27 земји членки за капацитетот за прием на нови членки. Јасно е дека за ова прашање треба да постигнеме прогрес, треба да решиме што сакаме да постигнеме како да ги носиме одлуките заедно во иднина како Европјани“,
посочи Мишел.
На новинарско прашање каква конкретна надеж ќе им даде Декларацијата од самитот која е поприлично долга, во однос на перспективите за проширување на граѓаните од регионот и да останат постветени на реформите, Мишел повтори дека од разговорите на Самитот произлегуваат приоритетите, а тоа се – вредности, реформи и инвестиции, како и важното прашање на споровите.
„Самитот денеска покажува дека сакаме да бидеме поефикасни. Ја земаме предвид ситуацијата во регионот за да видиме дали може да се испорачаат резултати. Декларацијата е долга, бидејќи содржи многу конкретни заложби и конкретни напори со нашите партнери – ние имаме свои обврски, тие имаат свои и ние заедно ќе соработуваме“,
рече претседателот на Европскиот совет,