Нови измени на Уредбата за прашања поврзани со изборите за пратеници донесе Владата на синоќешната седница, пред завршувањето на вонредната состојба во земјава, а пред утрешниот старт на изборната кампања.
Со дополнителен член 5-а се утврдува дека ако не се исполнети условите во просторијата во која е сместено гласачкото место Државната изборна комисија може да определи друг соодветен простор.
Со измените на оваа Уредба, се регулираат и правилата за платено политичко рекламирање за политичките партии, како и правилата за обврската на медиумите бесплатно да ги емитуваат информативните и едукативните кампањи на ДИК, кои се определуваат во траење од 30 секунди на секој час.
Измените и дополнувањата на Уредбата ги утврдува и правилата за распределба на рекламниот простор на интернет-порталите и во печатените медиуми наменет за платено политичко рекламирање, како и начинот и правилата за распределбата на финансиските средства за платено политичко рекламирање обезбедени од буџетот, согласно со член 76-д од Изборниот законик.