Според одлуката на Регулаторната комисија за енергетика (РКЕ), бензините поскапуваат за еден и пол денар, а дизел-горивото поскапува за еден денар по литар
Од ноќеска на полноќ горивата поскапуваат од еден до еден и пол денар по литар.
Според одлуката на Регулаторната комисија за енергетика (РКЕ), бензините поскапуваат за еден и пол денар, дизел-горивото поскапува за еден денар по литар, а за 0,95 денари се покачува и малопродажната цена на мазутот.
Бензинот еуросупер БС-95 од ноќеска на полноќ ќе се продава за 76,5 денари за литар, еуросупер БС-98 ќе чини 79 денари за литар, а литар еуродизел ќе чини 69 денари. Екстра лесното масло за домаќинство ќе се продава за 69 денари за литар, а килограм мазут ќе изнесува 41,705 денари.
Со одлуката на РКЕ се врши зголемување на малопродажните цени на нафтените деривати во просек за 1,84 отсто во споредба со претходната одлука.