Министерот во објаснувањето на денешната акција, без да соопштува повеќе детали за, како што рече, да не ѝ наштети на истрагата, додаде дека при претресите кај еден од осомничените се пронајдени парични средства во износ од 40 илјади евра, кај друг од осомничените во износ од 20 илјади евра и оти две од предметните лица не се достапни на органите на прогонот
Во однос на информациите за кои „360 степени“ од вчера чека одговор од МВР за тоа дека Груби ја поминал границата иако бил на т.н. стоп-листа и дали има пропуст кај постапувањето на внатрешната контрола на МВР на граничниот премин „Блаце“ во текот на викендот, Тошковски потврди дека имало пропусти
Против поранешен премиер, вицепремиер, директор на правно лице и генерален секретар поднесени се кривични пријави за сторени повеќе кривични дела што довеле до поголема штета на буџетот, информира денеска министерот за внатрешни работи Панче Тошковски.
Ова министерот го кажа на денешната прес-конференција на која изнесе повеќе детали во врска со трите акции кои изминативе два дена полицијата ги спроведе на повеќе локации во Скопје, но и во други градови во земјава.
Конкретно, иако тоа не го кажа експлицитно на прес-конференцијата, поранешниот премиер, вицепремиер, директор на фирма и генерален секретар се однесуваат на случајот со Државната лотарија.
Во врска со овој случај, освен за овие лица пријави има и за уште четири други, за кои Тошковски рече дека се државни службеници што работат во рамки на едно од правните лица.
Според министерот, во конкретната акција, полициските службеници денеска наутро, постапувале по наредба на Основно јавно обвинителство при што биле извршени претреси на повеќе локации.
„Постапено е по кривична пријава од 13.12.2024 година од страна на Одделот за сузбивање на организиран и сериозен криминал и корупција – Сектор за криминалистички истраги, Единица за корупција што е поднесена до ОЈО Скопје против осум физички лица“,
рече Тошковски на денешната прес-конференција на која информираше за три акции што МВР ги има спроведено овие два дена.
Министерот во објаснувањето на денешната акција, без да соопштува повеќе детали за, како што рече да не и наштети на истрагата, додаде дека при претресите кај еден од осомничените се пронајдени парични средства во износ од 40 илјади евра, кај друг од осомничените во износ од 20 илјади евра и оти две од предметните лица не се достапни на органите на прогонот.
На новинарско прашање дали еден од осомничените е поранешниот вицепремиер Артан Груби, Тошковски без да споменува имиња упати јавен повик до „еден од тие двајца кои во текот на вчерашниот ден кажа дека доброволно ќе се врати во Македонија, јас би сакал да му верувам, кој кажа дека е чист како солза, јас би сакал да му верувам“.
„Јавно упатувам порака да истиот се врати во Македонија, ако се уште не е вратен и да им овозможи на институциите соодветно да ја завршат оваа постапка со цел на крај да ја утврдиме правдата“,
рече тој.
Тошковски додаде на лицето ќе му биде овозможен процес на правда како што ѝ доликува на една нормална земја .
Во однос на информациите за кои „360 степени“ од вчера чека одговор од МВР за тоа дека Груби ја поминал границата иако бил на т.н. стоп-листа и дали има пропуст кај постапувањето на внатрешната контрола на МВР на граничниот премин „Блаце“ во текот на викендот, Тошковски потврди дека имало пропусти.
„Сторени се пропусти од страна на одредени полициски службеници од гранична полиција во текот на вчерашниот ден во утринските часови. За истите се води темелна истрага во моментов. Не би сакал да ја претпоставувам постапката од сегашен аспект, но ве уверувам дека за многу кратко време ќе бидете информирани, лично сметам дека таму не е постапено согласно правила и процедури на МВР и сметам дека е сторена голема грешка во рамки на работењето при вршење на задолжителни прегледи што требало да бидат извршени од излегување од Македонија во Косово на одредени лица“,
одговори Тошковски.
Објаснувајќи како Груби ја напуштил земјата, но без да споменува имиња, Тошковски рече дека тоа било направено на начин што лицето ја дало патната исправа на граничната полиција, таа му била вратена и истиот оди во Косово.
Тој се надева дека за сите до еден ќе обезбедат докази за да се најдат пред лицето на правдата.
Во однос на поранешниот директор на Лотарија, Тошковски рече дека истиот не е достапен на органите на прогонот, а претпоставките се дека ја напуштил државата пред повеќе од десетина дена.