Според неофицијални информации, станува збор за поранешна полициска службеничка на која пред четири години ѝ бил прекинат работниот однос поради објавување недолични содржини на социјалните мрежи
Жена со иницијали М.М.Ш. синоќа е пронајдена мртва во стан на улицата „Сирма Војвода“ во Охрид, а според неофицијални информации, станува збор за поранешна припадничка на полициската служба, на која пред четири години ѝ бил прекинат работниот однос поради објавување недолични содржини преку социјалните мрежи.
Причините за смртта ќе ги покаже истрагата врз основа на увидот на местото на настанот спроведен во текот на вчерашниот ден.
Од извршениот увид, во координација со Јавен обвинител, а во присуство на медицински и полициски екипи, како и по извршената обдукција, констатирана е смрт без траги на насилство.