Американскиот претседател требаше да отпатува во Германија, а потоа во Ангола, со цел да го исполни ветувањето дека ќе ја посети Африка во текот на неговиот мандат како претседател
Американскиот претседател Џо Бајден ги одложи планираните патувања во Германија и Ангола поради ураганот Милтон, што се приближува до Флорида, соопштија денеска од Белата куќа, а пренесува Си-би-си њуз.
Бајден ќе остане во Вашингтон со цел да ја следи ситуацијата додека ураганот Милтон се движи кон Флорида како моќна бура од четврта категорија.
„Со оглед на проектираниот пат и силата на ураганот, претседателот Бајден го одложи своето патување во Германија и Ангола за да ги надгледува подготовките и одговорот на ураганот Милтон, како и тековниот одговор на влијанијата на ураганот Хелена низ југоистокот“,
се вели во соопштението Белата куќа.
Бајден требаше да отпатува во Германија, а потоа во Ангола, со цел да го исполни ветувањето дека ќе ја посети Африка во текот на неговиот мандат како претседател.
Бајден требаше да престојува во главниот град на Ангола, Луанда, од 13 до 15 октомври, за да разговара за економските партнерства и визијата за првата трансконтинентална железничка мрежа со отворен пристап во Африка што ги поврзува Атлантскиот и Индискиот Океан.
Од Белата куќа велат дека е неизвесно кога патувањата на Бајдан ќе можат да се презакажат.