Екипите на Електродистрибуција се веќе на терен, но чекаат официјално одобрение од Противпожарната бригада, со цел безбедно да го нормализираат снабдувањето со електрична енергија
Попладнево изби пожар на депонијата во Вардариште. Поради тоа, како што соопштија од Дирекцијата за заштита и спасување (ДЗС) без струја останаа населбите Аеродром, Ново Лисиче, Методија Андонов Ченто, Индустриската зона, Кванташки пазар, Арачиново, Стајковци, Трубарево и Бунарџик
Поради пожарот што попладнево ја зафати депонијата во Вардариште, екипите на Електродистрибуција превентивно го исклучија далекуводот што ги снабдува трафостаниците „Аеродром“ и „Исток“.
Поради тоа, жителите на скопските населби Аеродором и Ново Лисиче веќе три часа немаат струја.
Како што информираат од Електродистрибуција, оваа мерка е преземена од безбедносни причини, со цел да се овозможи гаснење на пожарот и да се спречат поголеми дефекти на мрежа.
„Нашите екипи се веќе на терен и се подготвени да интервенираат, но чекаат официјално одобрение од Противпожарната бригада, со цел безбедно да го нормализираат снабдувањето со електрична енергија“,
се вели во соопштението од Електродистрибуција.
Попладнево изби пожар на депонијата во Вардариште. Поради тоа, како што соопштија од Дирекцијата за заштита и спасување (ДЗС) без струја останаа населбите Аеродром, Ново Лисиче, Методија Андонов Ченто, Индустриската зона, Кванташки пазар, Арачиново, Стајковци, Трубарево и Бунарџик.
„Поради обемот на пожарот и опасноста да се прошири надвор од депонијата како помош се испратени еден БТР, еден хермелин и еден тим на Дирекцијата“,
соопшти Стојанче Ангелов, директорот на ДЗС.
Според него, постојат сомневања дека пожарот на депонијата во Вардариште е намерно подметнат.
Додаде дека далноводите ќе бидат пуштени по санирање на пожарот.