Од утрово руските сили извршија комбинирани напади врз неколку украински региони, користејќи крстосувачки ракети и дронови. Експлозии се слушнаа во градовите Павлоград и Николаев, а подоцна одекнаа и во Днепар, каде едно лице загина при напад на станбена зграда. Во овие напади повредени се најмалку 13 лица, а направена е материјална штета на приватни и деловни објекти
Полските воздухопловни сили, заедно со сојузничките на НАТО од утрово се ставени во состојба на највисока борбена готовност поради руските воздушни напади во западна Украина.
Како што соопштија полските вооружени сили, воени авиони се подигнати во воздух, а активирани се и системите за противвоздушна одбрана и радарско следење, со цел гаранција на безбедноста на воздушниот простор на земјата.
„Активирани се сите расположливи сили и ресурси за заштита на воздушниот простор на Полска“,
се вели во соопштението на полските власти.
Polish planes in the air after Russian attack
— benny 🇩🇰 🇫🇴 🇬🇱 🇪🇺 🇺🇦 (@benny0692698414) September 20, 2025
Poland and allies have sent planes on the wings after Russia launched airstrikes on Ukraine.
It informs the operational command of the Polish military early on Saturday morning, according to Reuters.
At X, the command writes that… pic.twitter.com/XgH5bYz8Ey
Од утрово руските сили извршија комбинирани напади врз неколку украински региони, користејќи крстосувачки ракети и дронови.
Експлозии се слушнаа во градовите Павлоград и Николаев, а подоцна одекнаа и во Днепар, каде едно лице загина при напад на станбена зграда.
Во овие напади повредени се најмалку 13 лица, а направена е материјална штета на приватни и деловни објекти.
Во регионот Киев, регионалната воена администрација објави дека напади се пријавени во Буча, Бориспиљ и Обухив.
⚡️Russia launches large-scale missile, drone attack targeting regions across Ukraine, including far-west.
— The Kyiv Independent (@KyivIndependent) September 20, 2025
Russia launched a large-scale missile and drone attack on Ukraine overnight on Sept. 20, targeting various regions in the country's far-west.https://t.co/ctONuIluVE
Распоредувањето на полските авиони следува по неодамнешниот упад на руски беспилотни летала на територијата на земјата.
Минатата недела, Полска соопшти дека најмалку 19 беспилотни летала влегле во полскиот воздушен простор кога Русија ја напаѓала Украина.
Тогаш, Полска собори неколку беспилотни летала над својата територија што го нарушиле нејзиниот воздушен простор.
Русија оцени дека упадот не бил намерен.
Три руски воени авиони „МиГ-31“ вчера го нарушија воздушниот простор на Естонија и на нејзина територија се задржаа 12 минути.
Естонската армија потврди дека руските борбени авиони се пресретнати од италијански „Ф-35“ стационирани во Емари во Естонија, како дел од мисијата за воздушна полиција над Балтичкото Море.