Владата на 25.05.2021 донесе одлука и решение за одземање на дозвола за одгледување на канабис за медицински цели, објавена во „Службен весник“ бр.121 од 03.06.2021, на предлог на Министерството за здравство, поради постапувања спротивни на Законот за контрола на опојни дроги и психотропни супстанции, кои биле констатирани при вонредна контрола извршена на 10.04.2021 од страна на Комисијата за оценување на исполнетост на условите за одгледување на канабис за медицински цели
Во вчерашната полициска акција во Битола, уапсени се пет лица и запленета е дрога во вкупна проценета вредност од околу 800 000 евра.
Акцијата ја спровеле Одделот за криминалистичка полиција – Сектор за недозволена трговија со дрога и оружје – Единица за недозволена трговија со дрога, во координација со тимови од Одделот за специјални полициски операции – Специјалната антитерористичка единица „Тигар“ и СВР Битола, по добиени информации дека во фирма за производство на канабис за медицински цели во Битола на која во мај лани Владата ѝ ја одзеде дозволата за одгледување на канабис за медицински цели, се произведува марихуана.
При извршениот претрес на правниот субјект, во една од просториите биле затекнати две женски лица во момент на обработка и пакување на сув цвет од канабис, додека во други простории на фабриката била пронајдена голема количина на сув цвет од канабис.
„Во координација со Јавен обвинител од Основното јавно обвинителство Битола, пронајдената дрога е спакувана во 67 вреќи во вкупна тежина од околу 250 килограми. Петте лица се приведени во полициска станица, а по комплетирање на целокупната документација против сите инволвирани лица во нелегално производство на наркотична дрога марихуана ќе биде поднесена кривична пријава“,
соопшти портпаролката на МВР Сузана Прањиќ Талевска.
Инаку, на оваа фимра од Битола одземена и е дозволата за одгледување на канабис за медицински цели со одлука и решение од страна на Владата на РСМ на 25.05.2021, објавена во „Службен весник“ бр.121 од 03.06.2021, на предлог на Министерството за здравство, поради постапувања спротивни на Законот за контрола на опојни дроги и психотропни супстанции, кои биле констатирани при вонредна контрола извршена на 10.04.2021 од страна на Комисијата за оценување на исполнетост на условите за одгледување на канабис за медицински цели во содејство со МВР, обезбедена е Наредба за претрес од Основен суд Битола.