Акцијата е насочена кон разбивање организирана криминална група што вршела нелегална сеча на шуми, злоупотреба на службена положба, примање и давање поткуп, како и други дела против животната средина
Од синоќа се спроведува полициска акција во неколку града во источниот дел од земјата, пренесува денеска МИА.
Иако од Министерството за внатрешни работи (МВР) сè уште не излегоа со детали поврзани со акцијата, според информациите на МИА, таа се спроведува на подрачјето на градовите Берово, Пехчево и Делчево.
Насочена е кон разбивање на организирана криминална група што вршела нелегална сеча на шуми, злоупотреба на службена положба, примање и давање поткуп, како и други дела против животната средина.