Полицијата казни 103 возачи на мотоцикли при засилена акциска контрола спроведена денеска на територија на СВР Скопје.
„Од нив, 63 возачи не користеле заштитна кацига за време на возење, 27 возеле без возачка дозвола, еден мотоцикл е одземен поради истечена сообраќајна дозвола и предизвикување голема бучава, а санкционирани се и други прекршоци“,
соопшти МВР.
Од МВР велат дека засилените акциски контроли продолжуваат и во наредните денови. Апелираат до сите учесници во сообраќајот да ги почитуваат сообраќајните правила и прописи и повикуваат заеднички да се придонесе за побезбедни патишта.