Најголем дел од казните, 999 биле бидејќи возачите не носеле заштитна кацига
Во текот на јуни полицијата одзеде 49 мотоцикли и напиша 1 655 казни на мотоциклисти, соопшти Министерството за внатрешни работи (МВР).
Казните и одземањето на мотоциклите биле во рамки на засилените акциски контроли на територијата на цела држава.
„Од санкционирани 1 655, 999 возачи не користеле заштитна кацига за време на возење, 389 возеле без возачка дозвола, 49 мотоцикли биле одземени поради истечена сообраќајна дозвола и предизвикување голема бучава“,
велат од МВР.
Засилените акциски контроли, порачуваат од полицијата, ќе продолжат и во наредните денови.
„Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“,
велат од МВР.