Од МВР велат дека пожарот уште утрово бил локализиран од пожарникарите во Прилеп, а приведениот ќе биде задржан во полициска станица и против него ќе се поднесе кривична пријава
Полицијата, утрово околу 6:15 часот, привела прилепчанец на возраст од 34 години поради сомнение дека подметнал пожар.
Тој бил приведен во месноста Дабница, прилепско, за пожар кој избувнал таму.
Од МВР велат дека пожарот уште утрово бил локализиран од пожарникарите во Прилеп, а приведениот ќе биде задржан во полициска станица и против него ќе се поднесе кривична пријава до прилепското обвинителство.
Вчера полицијата приведе уште едно лице во Ресен, поради сомнение дека го предизвикало пожарот кој избувна кај селото Лева Река. Приведувања од истите причини имаше и претходните денови. Во средата беше лишен од слобода 32-годишен жител на Албанија за пожарот над гостиварско Пожаране, а претходно беше приведено едно лице за пожарот во Старо Нагоричане и две за тој пред селото Блаце кон Катланово.