Полицијата во изминатото деноноќие регистрирала 672 прекршоци за неносење лична заштита на лицето, соопштија од МВР.
„Апелираме до граѓаните да ги почитуваат мерките и протоколите донесени од Владата со цел справување со ковид-19“,
велат од МВР.
Казните кои се предвидени за граѓаните за неносење маска изнесуваат 20 евра.
„За непочитување на Уредбата за носење заштитна опрема, од 30 април предвидени се казни и тоа: во висина од 20 евра во денарска противвредност за физичките лица, а за компаниите каде што не се почитуваат мерките за носење заштитна опрема за вработените и посетителите предвидена е казна од 2 000 евра во денарска противвредност“,
пишува во Уредбата донесена од Владата.