Синоќа во периодот од 22 од 4 часот наутро е спроведена акциска контрола за санкционирање возачи кои управуваат возила под дејство на алкохол на територијата на земјава, а санкционирани се вкупно 102 возачи.
Како што соопштија денеска од МВР, од нив најмногу се на подрачјата на СВР Скопје и тоа 25, СВР Битола 19 и СВР Куманово 14 возачи.
Засилените акциски контроли продолжуваат и во наредните денови, најавија од МВР и апелираат до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.