„Маск ќе ја напушти јавната служба како специјален владин службеник кога ќе заврши неговата неверојатна работа во ДОГЕ“, вели портпаролката на Белата куќа
ФОТО: Фејсбук-профил на претседателот на САД, Доналд Трамп
Американскиот претседател Доналд Трамп им рекол на членовите на неговиот кабинет и на други блиски соработници дека Илон Маск, шеф на Одделот за ефикасност на владата на Соединетите Американски Држави ДОГЕ (DOGE), наскоро ќе се повлече од позицијата, објави денеска американскиот портал „Политико“, повикувајќи се на три извори блиски до Трамп.
Според „Политико“, Трамп и Маск неодамна се договориле милијардерот да се врати на своите приватни бизниси.
„Еден висок функционер на администрацијата рече дека Маск најверојатно ќе ја задржи неформалната улога на советник и ќе продолжи да биде повремено лице околу терените во Белата куќа. Друг предупреди дека секој што мисли дека Маск целосно ќе исчезне од орбитата на Трамп се залажува себеси“,
пишува „Политико“.
По написот на „Политико“ се огласија од Белата куќа, од каде што се спротивставија на информациите.
Портпаролката на Белата куќа, Каролин Ливит, во објава на својот профил на Икс, нарекувајќи го извештајот од „Политико“ ѓубре, рече дека Илон Маск и претседателот јавно изјавиле дека Маск ќе ја напушти јавната служба како специјален владин службеник кога ќе заврши неговата неверојатна работа во ДОГЕ.
This “scoop” is garbage.
— Karoline Leavitt (@PressSec) April 2, 2025
Elon Musk and President Trump have both *publicly* stated that Elon will depart from public service as a special government employee when his incredible work at DOGE is complete. https://t.co/Brppff6SKi
ДОГЕ е основана со цел да се намали трошењето на владините агенции, како и да се распуштат оние чии улоги се покажале како вишок.