Обвинетиот на 8 јануари минатата година на улицата „Индустриска“ во Неготино, со намера да усмрти кучиња, истурил течен отров помешан со храна
Основното јавно обвинителство Кавадарци поднесе обвинение против 62-годишен жител на Неготино за кривични дела – предизвикување општа опасност од член 288 став 1, како и мачење животни според член 233 став 1 од Кривичниот законик.
Обвинетиот на 8 јануари минатата година на улицата „Индустриска“ во Неготино, со намера да усмрти кучиња, истурил течен отров помешан со храна.
Иако бил свесен дека на местото има голема раздвиженост на луѓе кои би можеле да дојдат во допир со отровот, тој свесно предизвикал значителна опасност. Отровот го консумирало куче кај кое настанала интоксикација и пцовисало.