Според Стојанче Ангелов, директорот на ДЗС, овие пожари генерално ги предизвикуваат дрвокрадци
Под контрола е ставен пожарот што вечерва избувна над скопското село Морани во Општина Студеничани, информира Дирекцијата за заштита и спасување (ДЗС).
„Пожарот се очекува набрзо да биде изгаснат“,
соопштија оттаму.
На терен, како што информираат од ДЗС, веднаш се упатија противпожарни екипи, како и неколку „пинцгауери“.
Според Стојанче Ангелов, директорот на ДЗС, овие пожари генерално ги предизвикуваат дрвокрадци.