Од владејачката партија порачуваат дека ДУИ треба да одговори на прашањата во однос на тоа кој прави намерен притисок на одредени поединци и зошто ДУИ свесно шират лаги за борци на ОНА
Bо изминатите месеци бевме сведоци на спектакуларно режирана акција на ДУИ, во која главната цел беше семејството на припадник на ОНА, велат од коалицијата ВЛЕН. Според нив, симптоматично е што од преку 20 000 нелегални објекти низ Скопје, токму неговата скромна куќа била избрана за да се покаже насилна демонстрација.
„Зошто? Затоа што претходно истиот човек беше избркан од работа по налог на луѓето на Блерим Беџети. Тоа не е случајност, туку пресметана порака: „Ако не сте со нас, ќе ве нема.“,
велат од ВЛЕН.
Според Астрит Илјази од ВЛЕН, истото дело на Блерим Беџети се гледа и зад лажниот наратив што ДУИ ѝ ја продава на македонската јавност, и оти не е прв пат пратеникот од редовите на ДУИ да „крева рака“ над главите на своите сограѓани Албанци.
Од владејачката партија додаваат дека во август и ноември 2022 г. во ЈП „Комунална Хигиена“ под плаштот на „рационализацијата“ биле отпуштени 112 работници, од кои мнозинството биле Албанци и оти некои од нив преку ноќ биле заменеи со нови, партиски подобни кадри.
„Давејќи се во маглата на дезинформациите, останува да се види кој навистина ги влече конците и во чија корист се одвива оваа дива предизборна драма“,
рече Илјази.
Илјази вели дека има многу прашања кои треба да се одговорат како на пример кој прави намерен притисок на одредени поединци, зошто ДУИ свесно шират лаги за борци на ОНА и како Беџети и Арсовска го објаснуваат фактот што од над 20 000 објекти во Скопје само еден бил таргетиран.
По вчерашниот инцидент, одобрено 24-часовно обезбедување за Арсовска, велат од МВР – 360 степени