Од денеска и во следните два дена почнува вакцинација против ковид за сите лица кои имаат хронични болести и се на возраст од 20 до 40 години.
„Сите хронично болни пациенти и со ризик од ковид-19, на возраст од 20 до 40 години, кои се пријавиле за вакцинација до 30 април 2021, ќе се вакцинираат на вакциналните пунктови во државата“,
велат од Министерството за здравство.
Тие информираат дека опфатени се повеќе од 40 дијагнози или повеќе од 10 групи на дијагнози кои беа одредени како ризични од страна на Универзитетските Клиники и граѓанските здруженија, како кардиовахулаторни, респираторни, бубрежни, ендокринолошки, малигни, невролошки и останати заболувања и состојби.