Советот за безбедност е највисокото советодавно тело во државата, кое ги разгледува прашањата поврзани со безбедноста и одбраната на Републиката и дава предлози на Собранието и на Владата
Во тек е седница на Советот на безбедност во Вила Водно, поради случувањата на Блискиот Исток по израелско-американскиот напад врз Иран.
Седницата беше закажана по консултациите кои ги имала шефицата на државата, соопштија од нејзиниот Кабинет при најавата.
Советот за безбедност е највисокото советодавно тело во државата, кое ги разгледува прашањата поврзани со безбедноста и одбраната на Републиката и дава предлози на Собранието и на Владата.
Претседател на Советот за безбедност е претседателката на државата, Гордана Сиљановска Давкова.
Членови на Советот за безбедност се: претседателот на Собранието, Африм Гаши, претседателот на Владата, Христијан Мицкоски, министерот за внатрешни работи Панче Тошковски, министерот за одбрана Владо Мисајловски, министерот за надворешни работи и надворешна трговија Тимчо Муцунски, како и Џевдет Хајредини, Малинка Ристевска-Јорданова и Владо Спиридонов.
Според телевизиските извештаи, во Вила Водно се пристигнати сите членови на Советот.
Покрај нив, на седницата се присутни и директорката на Агенцијата за разузнавање, Габриела Јаковлева, директорот на Агенцијата за национална безбедност, Бојан Христовски и началникот на Генералштабот, генерал – мајор Сашко Лафчиски.
Седницата е затворена за јавност.