Пред неколку минути, во 16 часот, стапи во сила забраната за движење на населението, и согласно одлуката на Владата ќе трае до понеделник до 5 часот.
Со ова, почнува 61-часовен полициски час за сите граѓани на територија на целата држава.
Забраната не важи за полицијата, армијата, здравствените работници, противпожарните територијални единици и земјоделските лица.
Дежурните аптеки ќе работат непречено, а продавниците, маркетите и рестораните ќе примаат нарачки и ќе вршат достава на своите производи. Маркетите кои немаат соодветна дозвола за работа за време на полицискиот час, ќе бидат санкционирани.
Државата е во фаза кога воведените мерки се најстроги. Кога ќе се врати животот во нормала, засега нема конкретни прогнози, но министерот за здравство Венко Филипче најави дека се прават планови за оваа насока.