Во моментов во Тетово се хоспитализирани 120 ковид-пациенти од кои 118 се на кислородна поддршка
Во последното деноноќие во тетовската болница починаа 10 пациенти кои биле заразени со ковид-19. Како што информира д-р Гзим Нуредини кој е координатор на тетовскиот ковид-центар во Тетово секојдневно има голем број на прегледи.
Само вчера биле прегледани 245 лица и од нив 18 се примени на болничко лекување. Во моментов во тетовскиот ковид-центар има вкупно 120 луѓе од кои 118 се на кислородна поддршка.
Од хоспитализираните 120 пациенти, девет имаат примено една вакцина, а тројца пациенти се со примени две дози.