Килмер ќе остане запаметен по улогата во култниот акционен хит „Топ Ган“ (1986), каде го играше Том Ајсмен Казански, лутиот ривал на Маверик кој го глумеше Том Круз
Познатиот актер Вал Килмер, ѕвезда на филмовите „Бетмен“ и „Топ Ган“, почина на 1 април на 65-годишна возраст. Вееста за неговата смрт, за „Њујорк тајмс“ ја потврди неговата ќерка Мерцедес Килмер.
Таа откри откри дека Вал починал од пневмонија, додавајќи дека во 2014 година му бил дијагностициран рак на грлото, но подоцна закрепнал.
Еден од последните јавни настапи на Кимлер беше за неговата фондација „Твејн манија“ на почетокот на јуни 2019 година, откако тој се оддалечи од јавноста поради здравствени проблеми.
Килмер ќе остане запаметен по улогата во култниот акционен хит „Топ Ган“ (1986), каде го играше Том Ајсмен Казански, лутиот ривал на Маверик кој го глумеше Том Круз.
На многумина им останува најпознат по неговата улога во „Бетмен засекогаш“ (1995 година), во која, меѓу Мајкл Китон и Џорџ Клуни, се најде како нов заштитник на Готам Сити.