МВР презема мерки за пронаоѓање на возачот и возилото
Почина 75-годишната жена што денеска беше прегазена во скопски Капиштец, соопштија од Ургентниот цнетар на скопските клиники, а пренесува ТВ Сител.
Како што информираат од Министерството за внатрешни работи (МВР), возачот што управувајќи автомобил ја удрил жената, избегал од местото на несреќата.
„Денеска во 11:30 часот во Секторот за внатрешни работи (СВР) Скопје е пријавено дека на улицата ‘Народен фронт’ во Скопје, патничко возило удрило во жената и го напуштило местото на настанот“,
се вели во соопштението на полицијата.
Оттаму изјавија дека повредената со возило на Итната медицинска помош била пренесена во Клиничкиот центар „Мајка Тереза“ за укажување лекарска помош, но подоцна им подлегнала на повредите.
МВР презема мерки за пронаоѓање на возачот и возилото.