Лидерот на опозициската СДСМ смета дека постојаните обвинувања на адреса на неговата партија и на ДУИ за политичките неуспеси во земјава од страна на премеирот е јасен показател дека властите се неспособни и имаат недостиг на визија
Премиерот Христијан Мицкоски повторно покажува целосна неспособност за водење на државата и менаџирање со политичките процеси, изјави претседателот на СДСМ, Венко Филипче за „Телма“.
Тој вели дека наместо да покажат одговорност и капацитет за водење на државата, тој постојано се обидува вината да ја префрли на СДСМ и ДУИ, што пак е јасен показател дека тие се целосно неспособни за владеење и оти имаат недостиг на визии. Дополнително, обвинувањата на Мицкоски дека СДСМ и ДУИ имаат тајни планови за предизвикување хаос и политички малверзации на локалните избори како обид за одолговлекување на вниманието од реалните проблеми.
„Овие конструкции се резултат на неспособноста на власта да ги реши клучните предизвици. Станува збор за премиер кој нема храброст и знаење да ја води државата и затоа измислува непостоечки сценарија за хаос“,
кажа Филипче.
Филипче посебен акцент стави на проблемот со измените на Изборниот законик за независните листи. Вели, тие како партија го направиле своето давајќи целосна поддршка за процесот, во интерес граѓаните да можат преку независни листи да ја изразат својата волја, но за жал, власта целосно потфрлила и покажала дека единствено мисли на свои партиски калкулации.
„Иако уште пред повеќе месеци Уставниот суд ја укина одредбата за бројот на потписи потребни за независните листи, власта до последен момент чекаше за да даде предлог на закон – и тоа дури откако изборите веќе беа распишани. Не се направи ниту минимален напор тој закон да се усвои во Собранието. Не дојдоа сите пратеници од ВЛЕН, од одредени националности, ниту пак се обидоа да обезбедат бадентерово мнозинство,“
изјави тој.
Дополнително, рече дека одговорноста за настанатата ситуација ја носат премиерот Мицковски и владејачката коалиција. Вели, со нивната неспособност отвориле можност за злоупотреба на изборите, само за да ги сокријат реалните бројки и очигледното губење на голем број гласови.
Реакцијата следуваа по говорот на Мицкоски во кој тој кажа дека е време да се открие „вистината за валканите игри кои се подготвуаат зад кулисите“. Според него, СДСМ и ДУИ имаат смислено и координирано сценарио за хаос, политичка магла и манипулации.