Од друга страна пак, портпаролката на Руското МНР, Марија Захарова изјави дека Русија ќе одговори на протерувањето на руски дипломати, а оваа изјава се однесуваше на потегот на Германија
Франција соопшти дека ќе протера околу 35 руски дипломати „чии активности се против нејзините интереси“, се вели во соопштението на француското Министерство за надворешни работи.
Француското МНР соопшти дека „протераните вработени учествувале во активности спротивни на безбедносните интереси на Франција“.
„Овој потег е дел од демаршот на европските земји“,
наведува Министерството во своето соопштение.
Претходно и германската министерка за надворешни работи Аналена Бербок ја објави одлуката за протерување на 40 руски дипломати, вработени во руската амбасада во Берлин, а намалување на дипломатските активности со Русија најавија и Латвија и Летонија.
Од друга страна пак, портпаролката на Руското МНР, Марија Захарова изјави дека Русија ќе одговори на протерувањето на руски дипломати, а оваа изјава се однесуваше на потегот на Германија.
„Ќе одговориме и на овој злобен чин на германската политичка Машинерија“,
рече Захарова.
Овие потези на европските земји се дел од одговорот на руската инвазија врз Украина која започна на 24 февруари.