По четири дена нуклеарната централа во Чернобил повторно доби струја

Нуклеарната централа во Чернобил не е активна, но во неа се вработени околу 200 луѓе

Украинскиот министер за енергетика, Херман Халушенко, денеска изјави дека нуклеарната централа во Чернобил повторно е приклучена на националната електрична мрежа, пренесуваат тамошните медиуми.

Руските сили пред четири дена ја исклучија Чернобил од националната електрична мрежа.

Нуклеарната централа во Чернобил остана без струја, не е познато нивото на радијација

Претходно, руското Министерство за одбрана соопшти дека му дозволило на украинскиот тим пристап до оштетените далноводи во областа околу нуклеарната централа Чернобил.

Нуклеарната централа во Чернобил не е активна, но во неа се вработени околу 200 луѓе. Според експертите опасноста од таа нуклеарна централа по јавното здравје е помала бидејќи не е активна.