Адвокатот кој го застапува досегашниот министер за просторно планирање, градежништво и државен имот изјави дека неговиот клиент на распитот се изјаснил за невин за злоупотреба на службената положба и оти обвинителството бара притвор
Хрватскиот премиерот Андреј Пленковиќ денеска го разреши Дарко Хорват од должноста министер за просторно планирање, градежништво и државен имот, „на свое барање“, како што соопшти портпаролот на хрватската Влада
Адвокатот Владимир Терешак, кој го застапува уапсениот Хорват, претходно изјави дека неговиот клиент на распитот се изјаснил за невин за злоупотреба на службената положба и оти обвинителството бара притвор.
Тој пред новинарите во Загреб изјави дека Хорват активно се бранел пред истражителите на Канцеларијата за борба против корупција и организиран криминал (УСКОК) повеќе од еден час, а УСКОК побарал притвор за кој вечерва ќе одлучи истражен судија од загрепскиот Жупаниски суд.
Адвокатот рече дека Хорват е обвинет за злоупотреба на положба и овластувања, односно дека на одредени фирми кои се пријавиле на конкурс без тендерска документација им било дадено право на првенство, што министерот го негира. Тој рече дека за сè се задолжени сите стручни служби на Министерството.
Случајот, како што рече, опфаќа неколку лица, а произлегува од друг случај во кој меѓу осомничените е и неговата поранешна помошничка Ана Мандац. Таа поднесе оставка откако беше осомничена за проневера со поранешната државна секретарка Јосипа Римац.