Пезешкијан му посочил на Моди дека неговата земја мора да добие гаранции дека нема да има повторување на агресија во иднина, а исто така ја повика БРИКС да преземе независна улога во прекинувањето на агресијата врз неговата држава
Претседателот на Иран Масуд Пезешкијан денеска рече оти „американско-израелската агресија треба веднаш да биде прекината“ за да се стави крај на војната и да се спречи нејзина ескалација во поширок конфликт, пренесуваат светските агенции.
Неговата изјава следи по телефонскиот разговор кој Пезешкијан го имал со индискиот премиер Нарендра Моди.
Пезешкијан му посочил на Моди дека неговата земја мора да добие гаранции дека нема да има повторување на агресија во иднина, а исто така ја повика БРИКС да преземе независна улога во прекинувањето на агресијата врз неговата држава.
Агенциите пренесуваат дека Пезешкијан предложил создавање регионална безбедносна рамка во која ќе бидат вклучени земјите од Западна Азија за да се обезбеди мир без странско мешање.
Моди пак, во разговорот со Пезешкијан ги осудил нападите врз критичната инфраструктура на Блискиот Исток, а исто така ја повторил важноста на заштитата на слободата на трговијата која се врши преку водните рути.