Дополнителната заменик-министерка за внатрешни работи реагира дека е несовесно да се повлечат полицајци и полициски возила од терен за да се снима спот, особено во период на вонредна состојба
Дополнителната заменик-министерка за внатрешни работи Славјанка Петровска оцени вечерва дека е неодговорно во време на вонредна состојба да се повлечат полицајци и возила од терен за да се снима спот.
Нејзината реакција дојде по информациата дека вечерва кај спортскиот центар „Борис Трајковски“ во Скопје се снима спот со учество на полицијата, за што техничкиот министер за внатрешни работи Наќе Чулев не ја информира претходно јавноста.
„Во услови на вонредна состојба и полициски час, од терен да повлечеш осудесетина полициски возила и најмалку стотина полицајци за да снимаш спот е неодговорно и несовесно раководење!!!Зарем полициските службеници кои веќе два месеци деноноќно се на терен треба да бидат искористени како статисти за снимање спот? Ова ли е начин да се штитат правата на вработените? Вака не треба, ова е погрешно“,
напиша Петровска на фејсбук.