Се ситни градежната парцела и на секоја се прави по една куќа. Во стварност добиваме бетонски чудовишта, објаснува кандидатката за градоначалничка на Скопје на Зелен хуман град
Во Пржино урбаната мафија измислила иновација: како на место за индивидуални станбени куќи да никнат станбени згради, обвини денеска кандидатката на граѓанската иницијатива Зелен хуман град за градоначалничка на Скопје Ана Петровска.
„Се ситни градежната парцела и на секоја се прави по една куќа. Во стварност добиваме бетонски чудовишта! Само кога ќе се почитува правото за хумано живеење, само тогаш Скопје ќе може да дише! Скопје мора да биде зелен хуман град“,
вели Ана Петровска.
Од граѓанската иницијатива најавуваат дека заедно со Ана Петровска ќе се борат против бетонски чудовишта, а за еколошка населба.
„Против грдосии од згради на ерозивен терен, кајшто падна потпорен ѕид, при нефункционална инфраструктура и поплавени улици, со руиниран општински центар“,
велат од Граѓанската иницијатива.