Државата, особено сега, мора да продолжи по патот што го зацрта пред неколку години и постигнатите успеси што ги имавме, вели пратеничката на СДСМ
Коалициските партнери на СДСМ испратија порака дек постои стабилно владејачко мнозинство, вели пратеничката на СДСМ Славјанка Петровска, во гостување во „Утрински брифинг“.
„Ова не го кажувам само за да ја демотивирам опозицијата затоа што најавува преговори за ново мнозинство, туку затоа што сакаме да упатиме порака кон граѓаните дека имаме стабилно мнозинство и дека ниту со еден чекор не сакаме да предизвикаме какви било политички турбуленции или политичка и економска криза. Коалициските партнери застанаа зад оваа актуелна Влада, рекоа дека таква Влада и е потребна на нашата држава, за што апсолутно се сложуваме. Државата особено сега мора да продолжи по патот што го зацрта пред неколку години и постигнатите успеси што ги имавме, за што голем дел од заслугите се на претседателот Зоран Заев, односно на неговата упорност и истрајност, како и визија да го постигнеме тоа што го постигнавме“,
рече Петровска.
Во врска со оставката на Зоран Заев од лидерската позиција во СДСМ, Петровска рече дека тоа е негова лична одлука за која ќе се дискутира и во партијата.
„Таа одлука ја соопшти вечерта по вториот изборен круг. Тоа е негова лична одлука и ние како партија секако дека ја почитуваме. Но престои период во којшто таа одлука ќе треба да биде дискутирана во органите на партијата“,
рече Перовска.