Премиерот и четворица министри ќе присуствуваат на презентација на прво возило на водороден погон во Европа на компанијата „Брако“
Велешката компанија „Брако“ денеска во кругот на фабриката ќе го презентира првото возило на водороден погон во Европа, нов модел целосно развиен и произведен во земјава, под брендот „Грин машинс“ – настан на кој ќе присуствува премиерот Зоран Заев и уште четворица членови на неговиот кабинет.
Покрај тоа, компанијата ќе го презентира и новиот погон, во кој, како што се наведува, се вложени осум милиони евра.
На промоцијата е најавено обраќање на Заев, како и поранешниот вицепремиер за економски прашања Кочо Анѓушев како сопственик и претседател на бордот на директори на „Брако“.
На настанот ќе бидат присутни и вицепремиерите за економски прашања и за борба против корупција Фатмир Битиќи и Љупчо Николовски, како и министрите за економија Крешник Бектеши и за локална самоуправа Горан Милевски.