Се разговарало за состојбите во регионот на Источна Европа и на Балканот, како и за можните сценарија за развојот на ситуацијата
Ризиците за регионот на Источна Европа и на Балканот од војната во Украина биле тема на вонредна седница на Советот за безбедност на Бугарија што ја свика бугарскиот премиер Кирил Петков
Како што соопштува владината прес-служба, на седницата се разговарало за состојбите во регионот на Источна Европа и на Балканот во врска со ризиците кои произлегуваат од војната во Украина, како и можните сценарија за развојот на ситуацијата.
Министерот за одбрана, Драгомир Заков, истакнал дека позицијата на Бугарија во НАТО мора да биде јасна и предвидлива и дека тоа е насоката во која работат бугарските институции.
Премиерот Петков ги повикал безбедносните служби да продолжат да даваат оперативни информации.
Во бугарското Народно собрание министрите за одбрана Драгомир Заков и министерката за надворешни работи Теодора Генчовска учествуваа на седницата на собраниската Комисија за надворешна политика, на која била презентирана актуелна информација од бугарските служби за безбедност за конфликтот во Украина и ризиците и заканите што произлегуваат од него на регионален и глобален план.