Ние мора да работиме заедно со Северна Македонија, но Бугарија нема да го промени ставот за „Планот од пет точки“, изјави новоизбраниот бугарски премиер Кирил Петков.
По изборот во Народното собрание попладнево, тој со министрите треба да ја преземе власта од техничката влада предводена од Стефан Јанев. Како прва задача по преземањето на функцијата рече дека ќе му биде да се запознае со состојбата со поплавите во југозападна Бугарија.
Тој, исто така, кажа дека меѓу првите задачи по преземањето на функцијата ќе му биде и средбата со грчкиот премиер, Киријакос Мицотакис, за изградбата на интерконекторот и гасната врска меѓу двете соседни земји.
Претседателот Румен Радев денеска во претседателството ја собра преодната влада на Бугарија, предводена од Стефан Јанев, и ѝ се заблагодари за работата во изминатите три месеци.
Петте точки што ги споменува Петков, бугарското МНР ги објави на 25 јуни година наведувајќи дека македонската страна изразила подготвеност да ги прифати.