Богојески на оваа функција доаѓа на местото на Марко Ѓоргиевски, кој како в.д. директор ја водеше оваа институција од 2020 година
Петар Богојевски, лидерот на партијата Македонски концепт, коалициски партнер во власта, е назначен за нов директор на Националната агенција за европски образовни програми и мобилност.
Богојески на оваа функција доаѓа на местото на Марко Ѓоргиевски, кој како в.д. директор ја водеше оваа институција од 2020 година.
Најголем дел од парите со кои располага агенцијата доаѓа од програмата на Европската Унија „Еразмус+“ која е наменета за поддршка во образованието, обуката, младите и спортот во државите во Европа, вклучително и земјава.
Институцијата доделува и средства за проекти што овозможуваат соработка и размена на студенти и кадар меѓу партнерски универзитети во Европа.
Оваа агенција стана позната во јавноста во времето кога со неа директоруваше Лидија Димова, за која подоцна беше поднесено обвинение за злоупотреба на европски пари.
Во 2018 година Богојески е разрешен од позицијата заменик-генералнен секретар на ВМРО-ДПМНЕ.
Во тоа време беше и дел од иницијаторите за реформи во партијата.